जेष्ठ ११
संबिधानको बिपरित संघिय लोकतान्त्रीक गणतन्त्रको बिरुद्धमा जेठ ७ गते प्रधानमन्त्रीले चालेको अलोकतान्त्रीक कार्यलाई राष्ट्रपति बिद्यादेबि भण्डारीले सदर गरेको भन्दै गुल्मीको धुर्कोट गाउपालीकाका ४ दल एकै ठाउमा उभिएर आफुहरुको गम्भीर ध्यानाकर्षण भएको जनाएका छन ।
कोरोना संक्रमणको महामारीबाट देश आक्रान्त बनिरहको बेला सबै पक्षलाई समेटेर यसको रोकथाम र नियन्त्रणमा लाग्नुपर्नेमा संसद बिघटन गरि यस्तो बिषम परिस्थितीमा चुनाव घोषणा गरिनु निन्दनिय भएको ४ दलले जनाएको छन ।
उक्त गलत कदमको बिरुद्धमा न्यायिक एवम राजनैतिक रुपमा प्रतिवाद गर्न सम्पुर्ण न्यायप्रेमि जनता तथा सम्पुर्ण लोकतन्त्रीक शक्तिहरुलाई अपिल गरिएको छ ।
नेपाली कांग्रेश धुर्कोट गाउपालीका पार्टि सभापति रामप्रसाद घिमिरे,माओवादी केन्द्र धुर्कोट गाउपालीका अध्यक्ष गोपाल कुँवर, नेकपा एमाले धुर्कोट गाउपालीका प्रतिनिधि बोमलाल भण्डारी र राष्ट्रिय जनमोर्चा जिल्ला सदस्य तथा पालीका प्रतिनिधि धन बहादुर थापा सुर्य द्धारा संयुक्त रुपमा हस्ताक्षरित बिज्ञाप्तिमा शेर बहादुर देउवाको नेतृत्वमा सरकार गठन गरि वर्तमान राजनैतिक संकटको निकास यथाशिघ्र निकालियोस भन्दै जोडदार माग गरिएको छ ।
