चुरामणि तिमिल्सीना,रिडि
गुल्मीदरबार गाउँपालिका वडा नं. २ निवासी सामाजिक अभियान्ता समाजसेवी कृष्ण भुसालले काठमाडौंबाट गाउँपालिकामा महामारिबाट बच्न बचाउन भन्दै स्वास्थ्य सामाग्री पठाउनु भएको छ । भुषालले अक्सि मिटर ८ थान ,माक्स १०००थान , स्यानीटाईजर १५ लिटर,डिस्पोसिबल पिपिइ ८ थान पठाउनुभएको थियो । स्वास्थ्य सामाग्रीहरु वडा नं. ४ का वडाध्यक्ष खुमबहादुर पल्ली, समाजसेवी कृष्ण खनाल, सुशिला पुन मार्फत गाउँपालिकामा हस्तान्तरण गरिएको छ । गाउँपालिकामा कोभिड संक्रमण रोकथामको लागि प्राप्त सामग्रीहरूले ठूलो सहयोग मिल्ने हुँदा गाउँपालिका परिवारले अभियान्ता भुसाललाई धन्यवाद दिएको छ ।
कार्यक्रममा सहभागी अग्रजहरुले आआफ्नो ठाँउबाट सानोतिनो सामाग्री सबै तिर सहयोग पठाउन सकेमा पालिका भित्र पनि बिभिन्न स्थानमा स्वास्थ्य सामाग्रीको अभाव नहुने बताउनु भएको छ ।
