सुरेन्द्र कंडेल
बागलुङ ,जेठ ३१ – शिव सेना नेपाल बागलुङ नगरपालिकाले दीन दुखीलाई खाना खुवाउने अभियानलाई निरन्तरता दिएको छ । शिव सेना नेपाल बागलुङले बागलुङ नगरपालिका क्षेत्रमा हाल सम्म विभिन्न वडामा गरी ८२१ प्याकिङ खाना वितरण गरेको छ ।
जेठ १३ गतेबाट सुरु भयको यो राहात बितरण कार्यक्रम हाल सम्म पनि निरन्तरता दिइयको र गरिब परिवारलाई खाद्यान्न सहयोग गर्दै आएको संस्थाले केही समय यता घर–घरमा खाना प्याकिङ गरी बिहान बेलुका खाना खानको लागि धौ–धौ भएका परिवारलाई वितरण गर्दै आएको शिव सेना नेपाल बागलुङ नगरपालिका संयोजक दिलिप गौतम ( सन्जु बाबा ) ले बताएका छन् ।गौतमका अनुसार कोरोनाको दोस्रो लहर सुरु भए यता ६० गरिब परिवारलाई एक लाख बराबर सहयोग गरिएको छ । त्यसैगरी, ४० हजार बराबरको ८२१ प्याकिङ खाना बितरण गरिएको छ ।
महामारी र दैबी प्रकोप को चपेटामा परेका दिन दुखीको सेवामा आफुहरु सधै तत्पर रहेको उनले बताए बर्खा सुरु भएसंगै बाढी पहिरो जाने सक्ने कुरालाई लक्षित गरि आफुहरुले अन्य योजना बनाईरहेको बाबाले बताएका छन ।
‘बर्खा सुरु भयो, बाढी पहिरो जति बेला, जहाँ पनि जान सक्ने सम्भावना रहन्छ, त्यसैले बर्खालाई लक्षित गरेर उद्धार र सहयोगको योजनामा छौं,’ उनले भने,‘कतै त्यस्तो विपत्ती नआओस भन्छौ, तर, विपत्ती आउन सक्ने सम्भावना पनि उत्तिकै रहन्छ ‘प्रि–प्लानिङ्’ गरेर राहतको व्यवस्था गर्ने कि भनेर योजना बनाईरहेका छौं ।’यस्तै, जिल्लामा कोरोनाको संक्रमण घट्दो र लकडाउन खुकुलो हुने सम्भावना भयको ले काम गर्न जान सक्ने भएको हुदा प्याकिङ खाना वितरण गर्ने योजना सोमबारबाट सकिने उनले बताए । लकडाउन कडा भएसंगै काममा जान सक्ने सम्भावना नरहेमा पुन स् यसरी नै सहयोगको प्याकेज ल्याउने सन्जु बाबाले जानकारी दिए ।
