कृष्ण अन्जान
रुरु ,असार ४ – असारको पहिलो साता परेको भिषण मनसुनी वर्षा पछि गएको पहिरोले रुरुक्षेत्र गाउँ पालिका भित्र खनिएका सडकहरुमा व्यापक क्षति भएको छ ।
मुख्यत थोर्गालाई तानसेन रिडी तम्घासको पक्कि सडक सँग जोड्ने फलाँटे स्यालपोखरी सडकको पहिरोका कारण अवरुद्द छ भने सहायक सडकको रुपमा रहेको स्यालपोखरी गौतम टोल ग्रामीण सडक पनि ठाउँ ठाउँमा पहिरो जाँदा क्षति पुगेको छ । पानी टँकी स्याल पोखरी साल विसाउना सडक खण्डमा पनि पहिरोका कारण क्षति पुगेको छ । यसै गरि दोबाटा भँडारथुम क्षेत्रको टोक्दिमा गएको पहिरोको कारण सडक अवरुद्द छ भने रातामाटा तालखोला कफि विकास केन्द्र हुँदै चौतारा क्षेत्रमा निस्कने सडक समेत क्षतिग्रस्त छ । घरमुनी सबै बगेको छ सडकले घर समेत जोखिम मा पर्याे चौताराका चक्रपाणि गौतमले गुनासो गर्नु भयो ।
यसै गरि रुरुक्षेत्र २ को ग्वादि क्षेत्रपनि ग्रामीण सडक पहिरो जाँदा सडक सन्जाल बाट सम्पर्क विच्छेद छ ।तालखोलाबाट बेँसिका चौर जाने सडक पनि पहिरोले बन्द छ । बलेटक्सार चौतारा भन्ज्याँग ग्वादि सडक लगाएत अधिकाँश सडक अवरुद्द रहेको ग्वादिबाट उपेन्द्र मल्लले जानकारी दिनु भयो ।
तानसेन रिडी तम्घास मोटर बाटोमा पहिरो का कारण रुरुक्षेत्र गाउँ पालिका ३ थानपति को मगर गाउँ क्षेत्रका केही घर हरु जोखिम मा रहेका छन भने सोहि वडाको लोलेँगखोला क्षेत्रमा पनि घर हरु जोखिममा परेको रुरुक्षेत्र गाउँ पालिका वडा न ३ का वडा वडाध्यक्ष शेषनारायण पौडेलले जानकारी गराउनु भयो । यसै बिच रुरुक्षेत्र ३ का कृष्ण गौतमको घर घर माथिको वारि बगेर आएको पहिरोका कारण जोखिममा परेको छ भने रुरुक्षेत्र ३ कै ठाँटि क्षेत्रमा पनि पहिरोले केही घर जोखिममा परेको छ । यसै विच रुरुक्षेत्र गाउँ पालिका वडा न ३ को जनप्रतिनिधिको टोलीले पहिरोले असर गरेका ग्रामीण सडक र जोखीममा परेका क्षेत्रको अनुगमन र निरिक्षण गरेको छ ।वडाध्यक्ष शेषनारायण पौडेल को नेतृत्वको टोलीले जोखिमका बारेमा जानकारी लिनु भएको र कसरी राहतको व्यवस्थापन गर्न र जोखिम कम गर्न सकिन्छ भन्नेमा आफु लागि परेको वडाध्यक्ष पौडेलले बताउनु भयो । असारको पहिलो सातानै परेको भिषण मनसुनी वर्षाले यो क्षेत्रलाई सँभावित विपदले त्रसित बनाएको छ ।
