असार २८
नेपाली कांग्रेसका सभापति शेरबहादुर देउवालाई दुई दिनभित्र प्रधानमन्त्री बनाउन सर्वोच्च अदालतले परमादेश जारी गरेको छ।
प्रधानन्यायाधीश चोलेन्द्रशमशेर राणासहित संवैधानिक इजलासले गरेको फैसला सुनाउँदै प्रधान न्यायाधीश राणाले संसद विघटन बदर गर्दै नेपाली कांग्रेसका सभापति शेरबहादुर देउवालाई मंगलबार साँझ ५ बजेसम्म प्रधानमन्त्री बनाउन परामादेश जारी गरेको हो। सर्वोच्चले ६ दिनभित्र प्रतिनिधिसभाको बैठक बोलाउन पनि आदेश दिएको छ।
देउवालाई बहुमतको प्रधानमन्त्री बनाउन माग गर्दै १४९ जना सांसदले राष्ट्रपति कार्यालयमा हस्ताक्षर बुझाएका थिए।
उक्त दाबी राष्ट्रपति विद्यादेवी भण्डारीले सदर नगरी संसद विघटन गरेकी थिइन्। अदालतले संसद विघटन बदर हुने फैसला सोमबार सुनाएको हो।
