साउन ५
अर्घाखाँची जिल्ला अदालत मुद्दा फर्छ्योट गर्नेमा लुम्बिनी प्रदेशकै उत्कृष्ट अदालत बनेको छ । आर्थिक वर्ष २०७७÷०७८ मा लुम्बिनी प्रदेशका अदालतमध्ये सबैभन्दा धेरै मुद्दा फर्छ्योट गरी उत्कृष्ट बन्न सफल भएको जिल्ला अदालत अर्घाखाँचीका न्यायाधीश वासुदेव न्यौपानेले बताउनुभयो ।
कुल मुद्दाको ७० दशमलव ९३ प्रतिशत मुद्दा फर्छ्योट गरेको अर्घाखाँची अदालत प्रदेशमै सबैभन्दा धेरै प्रतिशत मुद्दा फर्छ्योट गर्ने अदालत बनेको हो । आर्थिक वर्ष २०७६÷०७७ मा बाँकी रहेका एक सय ४९ थान र गएको आर्थिक वर्ष २०७७÷०७८ का दुई सय ८० थान गरी चार सय ३० थान मुद्दा रहेकोमा तीन सय पाँच थान मुद्दा फर्छ्योट भएको अदालतका स्रेस्तेदार महेश खनालले जानकारी दिनुभयो ।
