स्वास्थ सामग्रीको अभाव हुन नदिने प्रयास
कोभिडको बढ्दो सक्रमणको जोखिमबाट बच्न सँक्रमणको चेकजाँचमा सहजताका लागि आवस्यक कीटको अभावबाट नहोस भन्ने उद्देश्यले रुरु प्रथमिक स्वास्थ केन्द्र रिडीलाई मँगलबार एक कार्यक्रमका बिच एन्टिजेन परिक्षण कीट प्रदान गरिएको छ ।
पाल्पा जिल्ला रैनादेवि गाउँ पालिका वडा न १ का बडध्यक्ष सोमबहादुर दर्लामिले २८ थान एन्टिजेन परिक्षण कीट रुरु प्राथमिक स्वास्थ केन्द्रलाई केन्द्रका व्यवस्थापन समितिका अध्यक्ष समेत रहनु भएका रुरुक्षेत्र गाउँ पालिका वडा न १ का अध्यक्ष रामलाल विश्वकर्मा मार्फत हस्तान्तरण गर्नु भएको हो । हस्तान्तरित कीट बुझ्दै रुरु प्राथमिक स्वास्थ केन्द्रका प्रमुख डा विकास पन्थीले सहयोगका लागि धन्यवाद ज्ञापन गर्नु भयो ।
स्वस्थ केन्द्रमा स्वास्थ सामाग्रीको अभाव हुन नदिन आफ्नो प्रयास जारी रहेको बताउनु हुँदै रुरु १ का वडाध्यक्ष समेत रहनु रुरु स्वास्थ केन्द्र व्यवस्थापन समितिका अध्यक्ष रामलाल विक ले स्वास्थ सामाग्री हरु प्राप्त हुने क्रम जारी रहेको र कीट सहयोग गर्नु हुने छहरा रैना देवि गाउँ पालिका १ का वडाध्यक्ष सोम बहादुर दर्लामीलाई धन्यवाद दिनु भयो ।
तीन जिल्ला र दुई प्रदेशको सँगममा रहेको रुरु प्राथमिक स्वास्थ केन्द्रमा पछिल्लो पटक अत्यधिक बिरामीको चाप हुने गरेको छ । एकातिर नियमित चेकजाँच र कोभिडको इन्टिजेन चेक हुने भएकाले पनि यो स्वास्थकेन्द्र मा भिडभाड बढेको छ । दैनिक दुई बजेपछि कोभिडको एन्टिजेन चेक हुने र त्यसअघि स्वास्थ विमाका कारणले बिरामीको सम्हालि नस्क्नु भिड र चिकित्सक एक जना मात्र हुँदा समस्या रहेको समितिका अध्यक्ष रामलाल विकले बताउनु भयो ।
