अनिल खत्री
३० पुस, गुल्मी – गुल्मी जिल्लाको चन्द्रकोट गाउँपालिकाले बहुउद्देश्यीय सभाहलको निर्माण गरिएको छ । गाउँपालिकाको केन्द्र शान्तिपुरमा गाउँपालिकाका अध्यक्ष दोर्ण खत्रीले एक समारोह बिच नवनिर्मित सभाहलको उद्घाटन गरेका हुन् ।
सभाहलको उद्घाटन गर्दै गर्दै अध्यक्ष खत्रीले सभाहल निर्माणमा सहयोग गर्ने लुम्बिनी प्रदेश सरकार, पालिका परिवार र पालिकाको प्रमुख प्रशासकीय भवन निर्माणमा जग्गा दाना गर्न दाताहरुलाई धन्यवाद दिए । सभाहल सबैको साझा भएकाले सबै जनता, विभिन्न संघ संस्था तथा राजनीतिक दलले समेत प्रयोग गर्न पाउने अध्यक्ष खत्रीले बताए । गाउँपालिकाको केन्द्र शान्तिपुर बनेपछी बिभिन्न कार्यक्रम हुने तर भवन अभावको कारण समस्या हुदै आएको थियो । भवन निमार्ण पछि गाउँपालिकाको विकासमा ईटा थप्ने काम भएको गाउँपालिकाका प्रमुख प्रशासकीय अधिकृत इन्द्रबहादुर क्षेत्रीले बताए ।
गाउँपालिकाले बहुउद्देश्यीय सभाहल भवन निमाणर््का लागी निशुल्क रुपमा जग्गा दान गर्ने जग्गादाताहरुलाई सम्मान, सम्मान गरेको छ । जनप्रतिनीधीहरु निर्वाचीत भएर आईसकेपछी चन्द्रकोट गाउँपालिका भित्र अध्यापन गराएर अवकाश पाउनुभएका शिक्षकहरुलाई सम्मान गरिएको थियो ।चन्द्रकोट गाउँपालिको विभिन्न क्षेत्रमा रहेर कार्यरत कर्मचारीहरु मध्ये केही उकृष्ट कर्मचारीहरुलाई सम्मान पनि गरिएको थियो । गाउँपालिकाको वडा नम्बर चार शान्तिपुरमा निर्माण गरिएको उक्त बहुउद्देश्यीय सभाहलमा चन्द्रकोट गाउँपालिका र लुम्बिनी प्रदेश सरकारको लगानी रहेको छ ।
गाउँपालिकाको २४ लाख ७९ हजार २ सय २१ र लुम्बिनी प्रदेशको ६० लाख लगानीमा एक वर्ष भित्र सक्ने गरी २०७७ साल फागुन ६ गते आकृति मालिका कन्स्ट्रक्सन प्रालि काठमाडौले ठेक्का लिएको थियो ।
