राधा पोख्रेल
गुल्मी/माघ २९
गुल्मी जिल्लामा पछिल्लो २४ घण्टामा थप १५ जनामा कोरोना संक्रमणको पुष्टि भएको छ । एन्टिजेन विधिबाट गरिएको परिक्षणमा १५ जनामा कोरोना पुष्टि भएको स्वास्थ्य कार्यालय गुल्मीले जनाएको छ । ३७ जनाको परिक्षण गर्दा १५ जनामा संक्रमण देखिएको हो । संक्रमण पुष्टि हुनेमा रुरुक्षेत्र गाउपालिकामा ६ जना, रेसुंगा नगरपालिकामा ४ जना,,छत्रकोट गाउपालिकामा २ जना, इस्मा गाउपालिकामा १ जना, कालीगण्डकी गाउपालिकामा १ जना र धुर्कोट गाउपालिकामा १ जना रहेको स्वास्थ्य कार्यालय गुल्मीले जनाएको छ । जसमध्ये ७ जना पुरुष र ८ जना महिला रहेको छन । यो सगै जिल्लामा कोरोनाका संक्रिय संक्रमितको संख्या २ सय ४२ पुगेको छ ।