प्रधानमन्त्रीको दौड छोडेर,नेतृत्व हस्तान्तरण गर्न देउवालाई आफ्नै नेताको आग्रह ।
मंसिर १७
नेपाली कांग्रेसका नेताहरूले नै सभापति शेरबहादुर देउवालाई फेरि प्रधानमन्त्रीको दौडमा नलाग्न सुझाव दिएका छन् ।
बदलिँदो राजनीतिक परिस्थिति र मुलुकको अवस्थालाई लिएर पनि सभापति देउवाले मार्गप्रशस्त गर्नु उपयुक्त हुने उनीहरूको भनाइ छ ।
नेता शेखर कोइराला, महामन्त्रीद्वय गगन थापा र विश्वप्रकाश शर्मा, केन्द्रीय सदस्य चन्द्र भण्डारी लगायत नेताहरूले लुम्बिनी सम्मेलनको मञ्चमा सभापति देउवाले पार्टीमा मार्गप्रशस्त गर्नु उपयुक्त हुने सुझाव राखे ।
तर देउवा आफैँले भने अहिले आफू भाषणभन्दा बढी काम गर्ने गरी अघि बढेको उद्घोष गरे । संसद्को सबैभन्दा ठूलो दलको नेतृत्वमा रहेका देउवा भने छैटौँ पटक प्रधानमन्त्री बन्ने मौका बनाउने ध्यानमा छन् ।
वर्तमान सत्ता गठबन्धनमा माओवादी केन्द्रका अध्यक्ष पुष्पकमल दाहालपछि देउवा प्रधानमन्त्री बन्ने सहमति पहिल्यै भइसकेको छ ।
कांग्रेसका नेताहरुले पार्टी सभापति शेरबहादुर देउवाले नेतृत्व हस्तान्तरण गर्न सार्वजनिक समारोहबाट आग्रह गरेका छ्न्।
हिजो शनिबार लुम्बिनी प्रदेश काग्रेसको प्रथम अधिबेशनमा बुटवलमा आयोजित कार्यक्रममा पार्टी महामन्त्री बिश्वप्रकाश शर्मा र नेता चन्द्र भण्डारी आग्रह गरेका हुन्।महामन्त्री शर्माले अहिले पाँच पटक प्रधानमन्त्री भइसकेका सभापति देउवाले फेरि प्रधानमन्त्री बन्ने दौडमा सहभागी नभएर युवाहरूलाई अगाडि सार्नुपर्ने बताएका हुन्।
उनले सभापति देउवाले प्रधानमन्त्रीमा अरुलाई नै अगाडि सारेर शालिनता देखाउनुपर्ने सुझाव दिएका छ्न्।
शर्माले भने, ‘सभापतिज्यू शालिन र सह्रृदयी हुनुहुन्छ । कमैया, मधेश र एकताकाको विद्यार्थी आन्दोलन उहाँले सफल पार्नुभयो ५–५ पटक प्रधानमन्त्री हुनुभयो, अब प्रधानमन्त्रीको दौडमा दौडनु हुँदैन । अब शालिनता देखाएर समकालीन कोही छ भने जाऊ, नत्र युवाहरू अगाडि बढ भन्नुपर्छ’
यस्तै नेता चन्द्र भन्डारिले डा शेखर कोइरालालाई नेतृत्वमा अगाडि सार्नुपर्ने तर्क गरेका छ।
उन्ले भने ‘शेरबहादुर दाइ अब अन्तिम हो, उहाँले अब यो मुलुक बनाइदिनुपर्छ, डा। शेखर कोइरालातर्फ इंगित गर्दै उनले भने, ‘भोलि पार्टी सम्हाल्ने कोही छन् भने विचारका धनी महामन्त्रीहरूलाई साथ लिएर बढ्ने डाक्टर साब हो, बेष्ट सर्जन पनि हो, थेरापिस्ट पनि हो । अब उहाँ अगाडि लागेर देश बनाउनुपर्छ ।’