नेपाली कांग्रेस गुल्मीले राष्ट्रिय मेलमिलाप दिवस, जुनसुकै पार्टिमा आबद्ध भए पनि देशमा योगदान दिएकालाई सम्मन गरेर मनाउने ।
पुस १५
नेपाली कांग्रेस गुल्मीले ४८ औं राष्ट्रिय एकता तथा मेलमिलाप दिवस, गुल्मीका ९३ वडामा एकै साथ अभियानको रुपमा मनाउने भएको छ ।
जिल्लाको दोस्रो सम्मेलन बाट पारित पार्टिका आन्तरिक गतिबिधी पनि पुस १६ गते राष्ट्रिय एकता तथा मेलमिलाप दिवस बाटै सुरु गर्ने नेपालि कांग्रेस गुल्मीका कार्यबाहक सभापती अनन्तराम पौड्यालले बताउनु भयो । उहाले राष्ट्रिय एकता तथा मेलमिलाप दिवसको मूल मर्म भनेको देशलाई माया गर्ने र योगदान गर्नेको, एकताको सन्देश भएकोले पार्टि भन्दा माथी उठेर ८४ पूजा गरेका जेष्ठ नागरिक र युवा र महिलालाई सम्मान गर्न लागिएको बताउनु भयो ।
अभियानका क्रममा जिल्लाका ९३ वडामा रहेका पार्टिका अग्रज, जुनसुकै आस्था र पार्टिमा आबद्ध भएका ८४ पूजा गरेका जेष्ठ नागरिक, जुनसुकै आस्था र पार्टिमा आबद्ध भए पनि स्थानिय स्तरमै योगदान दिएका, उद्यम गरेका युवा र महिलालाइ घरघरमै गएर प्रशंसा पत्रले सम्मान गर्ने कार्यक्रम तय गरेको छ ।
यो अभियान पुस १६ गते बाट सुरु भएर चैत्र मसान्तमा सकिने छ । अभियान अन्तरर्गत पहिलो चरणमा वडा समितिले सम्मानित हुनेहरुको लगत संकलन गर्ने छ ।
कांग्रेसका संस्थापक एवम् प्रथम जननिर्वाचित प्रधानमन्त्री बीपी कोइराला आफूमाथि मृत्युदण्डकै सजायसमेत हुन सक्ने आठ वटा मुद्धा चलिरहेका बेला आफू राष्ट्रिय एकताका लागि जीवन अर्पण नै गर्न समेत तयार भएको भन्दै मेलमिलापको नीति लिएर २०३३ साल पुस १६ गते स्वदेश फिर्ता आएका थिए । त्यही दिनको सम्झनामा कांग्रेसले प्रत्येक वर्ष पुस १६ गते मेलमिलाप दिवस मनाउँदै आएको छ ।
कांग्रेसले विगतमा पार्टी भित्र आन्तरिक कार्यक्रम मात्रै गरेर दिवस मनाउने गरेकोमा यस वर्ष परम्परालाई परिवर्तन गरेर फरक ढंगले मनाउन लागेको हो ।
