छत्रकोट गाउँपालिकामा उखु महोत्सब हुने, उखुमा प्राप्त अनुदानको उचित प्रयोग नभएको किसानको गुनासो ।
पुस १८
छत्रकोट गाउँपालिका गुल्मीमा आगामी फागुन पहिलो हप्ता उखु महोत्सब हुने भएको छ । स्थानिय पहिचान बनाएको खुदो, गुणको ब्यवसायिक उत्पादन र बजारिकणको लागि उखु महोत्सब गर्न लागिएको हो ।
मुख्य रुपमा छत्रकोट गाउँपालिकाको वडा नं. ४ दिगाम, हर्दिनेटा र खर्ज्याङ्गको केहि स्थान धेरै बर्ष पहिले देखि खुदो र गुणको लागि प्रशिद्ध रहेको छ । त्यसैको आधुनिकिकरण र ब्यवसायिक उत्पादन, उखु उत्पादन क्षेत्र बिस्तारको लागि हिजो उखु कृषकसंग छत्रकोट गाउँपालिकाले वडा नं. ४ दिगाम छलफलमा गरेको थियो । छलफलमा पालिका भित्रका ८० जना भन्दा बढी उखु किसानको सहभागिता रहेको थियो ।
छलफलको क्रममा स्थानिय उखु उत्पादकले पछिल्लो समय बिभिन्न ब्यवसायी, समुह र सहकारीले उखु खरिद गरेर रकम भुक्तानी नदिएको, अनुदान ब्यवस्थित नभएको, बन्यजन्तु, त्यसमा पनि बदेलले उखुमा नोक्सन गरेको गुनासो गरेका थिए । उनीहरुले गाउँपालिकाले उखुको मूल्य निर्धारण, उत्पादन खरिद र मुल्य भुक्तानीको जिम्मा लिए उत्पादन बढाउने बताएका थिए । उखुको संस्थागत ब्यवसयिक बिस्तार र ब्यवसाय गर्नु भएका शामलाल पत्त, रामकृष्ण न्यौपानेले लगायतले सम्भावना र समस्या बताउनु भएको थियो ।
गाउँपालिका अध्यक्ष रामप्रसाद पाण्डेयले आफैले कृषक भेलाको सहजिकरण गर्दै किसानका गुनासोको समाधानको प्रयास गर्नु भएको थियो । उखु कृषकसंग छलफल पछि गाउँपालिका अध्यक्ष पाण्डेयले सहकारी मार्फत उखुको बिकास र बजारिकण गर्ने प्रतिबद्धता जनाउनु भएको थियो । उहाले महोत्सबको लागि अगुवा उखु किसन संग थप छलफल र अन्तरक्रिया गर्ने बताउनु भयो । कार्यक्रममा वडा नं. ४ का अध्यक्ष गुणाकर ज्ञवालीले उखु उत्पादनको लागि स्थानिय सरकार र वडाका तर्फ बाट गरिएका प्रयास र अनुदानका बिषयमा जानकारी गराउनु भएको थियो ।
पछिल्लो समय छत्रकोटको करिब सबै वडामा उखुको ब्यवसायिक खेतिको थोरै थोरै अभ्यास सुरु भएको छ । छत्रकोट गाउँपालिकाले बिगत केही बर्ष देखि बिभिन्न स्वरुपमा लगानी र अनुदान दिई रहेको छ । गत बर्ष ६ लाख र यस बर्ष १० लाख रुपैया उखुको बिउको लागि अनुदानको ब्यवस्था गरेको छ । छत्रकोट गाउँपालिकामा पछिल्लो समय उखु उत्पादनको क्षेत्र बिकास भएको छ । तर अनुदान र सरकारी सहयोगको उचित उपयोग भएर किसानले लाभ लिन सकेका छैनन, बिभिन्न कृषक समुह उनिहरुले अनुदानमा प्राप्त गरेका उपकरण प्रयोग बिहिन छन । छत्रकोट गाउँपालिकाको उत्पादन खुदो गुणको माग बढ्दो छ ।
