छत्रकोट गाउँपालिकामा गर्भवती महिलाको ANC प्याकेज टेष्ट नि शुल्क ।

छत्रकोट गाउँपालिकामा गर्भवती महिलाको ANC प्याकेज टेष्ट नि शुल्क ।
पुस १८
छत्रकोट गाउँपालिका गुल्मीले गाउँपालिका भित्रका गर्भवती महिलाको नि शुल्क ANC प्याकेज टेष्ट गर्ने भएको छ ।

नागरिक लाई सहज सरल नि शुल्क स्वास्थ्य सेवा दिने पालिकाको निति अनुसार गर्भवती महिलाको ANC प्याकेज टेष्ट सेवा नि शुल्क दिन लागिएको हो । हिजो श्रृङ्गा प्राथमिक स्वास्थ्यकेन्द्रमा एक समारोहको आयोजना गरी नि शुल्क ANC प्याकेज टेष्टको घोषणा गरिएको हो ।
सेवाको घोषणा गर्दै गाउँपालिका अध्यक्ष रामप्रसाद पाण्डेयले छत्रकोट गाउँपालिका गर्भवती बालबालिका जेष्ठ नागरिकका सथै समग्र स्वास्थ्य क्षेत्रको बिकास र कसरि अधिक्तम स्वास्थ्य सेवा नागरिक लाई सहज सरल नि शुल्क बनाउन सकिन्छ भननेमा प्रयत्नसिल रहेको बताउनु भयो ।
उहाले यो सेवा गुल्मीमा छत्रकोट गाउँपालिकाले नि शुल्क गरेको दाबि समेत गर्नु भयो ।

श्रृङ्गा प्राथमिक केन्द्रका अध्यक्ष एवं वडा नं. ४ अध्यक्ष गुणाकर ज्ञवालीले सेवाग्राहीले सेवा लिएर यसलाई अझै प्रभाबकारी बनाउन सकिने बताउनु भयो ।

स्वास्थ्य शाखा प्रमुख श्याम सुन्दर पोख्रेलले गर्भवती महिलाले ANC प्याकेज टेष्ट अनिवार्य गर्नु पर्ने र यसको जाँच गर्दा एक पटकमा ६ सय ५० देखि १ हजार खर्च लाग्ने गरेकोमा निशुल्क सेवा दिन सुरु गरिएकोमा खुसी ब्यक्त गर्नु भयो । कार्यक्रममा श्रृङ्गा प्राथमिक स्वास्थ्य केन्द्र प्रमुख कडाक्टर बिबेकबिराट खनालले ANC बारेमा जानकारी गराउनु भएको थियो । कार्यक्रम स्वास्थ्य शाखाकी मुना थापाले संचालन गर्नु भएको थियो ।