पुस २७
छत्रकोट गाउँपालिका गुल्मी ।
छत्रकोट गाउँपालिकाको १६ औं अधिवेशन आजबाट सुरु भएको छ । गाउँपालिकाले ६ महिनामा २० प्रतिशत मात्र बित्तीय प्रगती गरेको छ । कुल बजेट ५५ करोड ४० लाख ८४ हजार ६ सय ७१ मध्ये, चालु र पूजीँगत तर्फ गरि ११ करोड ३० लाख ३ हजार २ सय ७३ रुपैयाको खर्च बिवरण छ ।
यसमा चालुमा २५.६६ र पूजीँगत तर्फ १०.१३ प्रतिशत रहेको आर्थिक बिकास समितिका संयोजक तेजकान्त अर्यालले गाउँपालिकाको आय ब्याय बिवरण प्रस्तुत गर्दै जनकारी गरानु भएको हो ।
बिभिन्न किसिमबाट १ करोड ५३ लाख ९ हजार ३ सय २७ रुपैया बेरुजु देखिएको प्रारम्भिक लेखा परिक्षण प्रतिबवेदन लेखा समितिका संयोक नरेन्द्र पल्लिले प्रस्तुत गर्नु भएको थियो । जसमा असुली गर्नु पर्ने १२ लाख ७८ हजार ९० रुपैया रहेको छ ।
यसै बिच ५ वटा कार्यबिधी र एक ऐन निर्णयार्थ पेश गरिएको छ । यसमा टोल बिकास संस्था गठन तथा परिचालन, उपभोक्ता समिति गठन तथा परिचालन, नगर प्रहरी ब्यवस्थापन तथा संचालन,स्वास्थ्य संस्था स्थापना संचालन तथा स्तरोन्नती मापदण्ड, प्रधानाध्यापक नियुक्ति तथा छनौट कार्यबिधि र खानेपानी तथा सरसफाई सम्बन्धी ऐन रहेको बिधायन समितिका संयोजक नारायण रेस्मीले बताउनु भयो ।
राजस्व परामर्श समितिका संयोजक तथा गाउँपालिका उपाध्यक्ष साबित्रा ज्ञवालीले १५ औं अधिवेशनले स्विकृत गरेका २ ऐन संसोधनको प्रस्ताब पेश गर्नु भएको छ । जसमा निजि अस्पताल नबिकरण शुल्क बढाउने र रुख कटान शुल्क घटाउने प्रस्ताब गरिएको छ ।
न्यायिक समितिको प्रतिबेदन समितिका सदस्य पिताम्बर अर्यालले प्रस्तुत गर्दै १० वटा मुद्दा आएकोमा त्यसको प्रकृती र फैसलाको बिषय जनकारी गराउनु भएको थियो ।
सभाध्यक्ष एवं गाउँपालिका अध्यक्ष राम प्रसाद पाण्डेयले समितिका संयोजक तथा सदस्यले प्रस्तुत गर्नुु भएको प्रतिबेदन तथा प्रस्ताब माथी आवस्यक छलफल र संसोधन पछी निर्णयार्थ पेश गर्न १० दिनको समय प्रदान गर्दै, अर्को बैठक माघ ९ गते अहन गर्नु भएको छ ।
