काठमाडौं :- जापानमा रहेर पनि नेपाली गीत संगीतमा निरन्तर आफ्नो सक्रियता देखाइरहेका सर्जक दिपक कँडेलले यो बर्षको लागि पनि चैते दशैं विशेष गीत चैते दशैँ बाग्लुङको मेला सार्वजनिक गरेका छन । उनले अघिल्लो बर्ष पनि यस्तै प्रकृतिको गीत सार्वजनिक गरेका थिए जुन धेरै दर्शक स्रोताले मन पनि पराएका थिए ।
दीपिका म्युजिकका सञ्चालक समेत रहेका दीपक कँडेलले आफ्नो क्षेत्रलाई पहिचान दिनको लागि र त्यसैको निरन्तरता स्वरूप अहिले पनि त्यो क्षेत्रको वर्णन सहित माया प्रेमलाई विषय बनाएको गीत सार्वजनिक गरेका बताएका छन ।
गीतलाई दीपक कँडेलले उत्कृष्ट शब्द सिर्जना गरेका छन् भने लय सिर्जना चर्चित सर्जक तथा गायक गणेश अधिकारीले गरेका छन्। बाग्लुङकै लोकप्रिय गायिका देवी घर्ती र पशुपति शर्माको आवाज रहेको गीतमा त्यस क्षेत्रका विभिन्न धार्मिक र पर्यटकीय स्थलहरूको छायाङ्कनसहित म्युजिक भिडियो तयार पारिएको छ ।
म्युजिक भिडियोलाई निर्देशन जेरी भण्डारीले गरेका छन् भने सागर लम्साल बले र गीता ढुङ्गानाको अभिनय देख्न सकिन्छ। गीतलाई एचएनबी किस्मतले संगीत संयोजन गरेका हुन्।
गीत दीपिका म्युजिकको युट्युब च्यानलबाट सार्वजनिक गरिएको छ।
