बैशाख ४
गुल्मीका झण्डै ३४ हजार परिवार स्वास्थ्य बीमाको पहुँचमा रहेका छन् । स्वास्थ्य बीमा बोर्ड गुल्मीले दिएको जानकारी अनुसार जिल्लामा हालसम्म ३३ हजार ८१२ परिवारले स्वास्थ्य बीमा गराएका छन् ।
गुल्मीमा ०७६ माघ १९ गतेबाट स्वास्थ्य बीमा कार्यक्रम सुरु भएको थियो । जसमा आर्थि बर्ष ०७६/७७ मा एक हजार ३९४, आ.व. ०७७/७८ मा आठ हजार ४१६, आ.व. ०७८/७९ मा पाँच हजार ३९७ परिवारले स्वास्थ्य बीमा गराएको तथ्याङ्क छ ।
त्यसगरी आ.व. ०७९/८० मा एक हजार ९६४ र चालु आर्थिक बर्षको छ महिनामा एक हजार ८६ परिवारले स्वास्थ्य बीमा गराएको स्वास्थ्य बीमा बोर्ड गुल्मीका प्रमुख सुवास घिमिरेले जानकारी दिनुभयो । घिमिरेका अनुसार एक परिवारले बार्षिक तीन हजार पाँच सय रुपैँयामा पाँच जनाको एक लाखसम्मको स्वास्थ्य बीमा गर्न पाउँछन् । तर औषतमा एक परिवारको चारजनाको मात्रै स्वास्थ्य बीमा हुने गरेको छ ।
यसरी हेर्दा जिल्लामा पारिवारको मात्रै गणना गर्दा ७३ हजार २८ जना स्वास्थ्य बीमाको पहुँचमा छन् । त्यसबाहेक सोही अवधिमा १५ हजार ५५५ ज्येष्ठ नागरिकको पनि स्वास्थ्य बीमा गराइएको छ । ज्येष्ठ नागरिकको हकमा भने एक नागरिक बराबर एक परिवार गणना हुने गर्दछ । यसरी हेर्दा जिल्लामा कुल ८८ हजार ५८३ नागरिक स्वास्थ्य बीमाको पहुँचमा रहेका छन् ।
