जेठ २
उच्च अदालत पाटनले क्रिकेटर सन्दीप लामिछानेलाई बलात्कार मुद्दामा सफाइ दिएको छ ।
उच्च अदालत, पाटनका न्यायाधीशद्धय सुदर्शनदेव भट्ट र अञ्जु उप्रेती ढकालको इजलासले जिल्ला अदालत, काठमाडौंको फैसला उल्ट्याउँदै सन्दीपलाई सफाइ दिएको हो ।
संदीप निर्दोष रहेको भन्दै उनको मुद्दा चाँडै टुंगो लगाएर खेल्न दिन ठूलो जनदबाब र प्रदर्शनहरु समेत भइरहेका थिए । उनले आफूलाई फँसाउन षडयन्त्र भएको भन्दै यसको पर्दाफास गर्ने पनि बताएका थिए ।
यस फैसलासँगै संदीप अमेरिकामा भइरहेको टी–ट्वान्टी विश्वकप खेलमा सहभागी हुन बाटो पनि खुलेको छ ।
