जेठ २८
जिल्ला प्रशासन कार्यालय गुल्मीमा सेवाग्राहीको चाप ह्वात्तै बढेको छ । राष्ट्रिय परिचयपत्र बनाउन नागरिकहरुको अन्य समयमा भन्दा चाप बढेको हो।
रकारले सामाजिक सुरक्षा भत्ता नविकरणका लागि श्रावण १ गते देखि राष्ट्रिय परिचयपत्र अनिवार्य गर्ने बताएको छ । सुरुमा सरकारले देशमा अन्य २८ जिल्लामा सामाजिक सुरक्षा भत्ता नविकरणका लागि राष्ट्रिय परिचयपत्र अनिवार्य गर्दैछ ।
तर सरकारले तोकेका २८ जिल्लामा गुल्मी जिल्ला नपर्ने भएकाले राष्ट्रिय परिचयपत्र बनाउन हतार–हतार गर्दै जिल्ला प्रशासन आउन पर्ने अवस्था नरहेको गुल्मीका प्रमुख जिल्ला अधिकारी कृष्ण प्रसाद शर्माले बताउनुभयो ।
उहाँले भन्नुभयो,–‘सामाजिक सुरक्षा भत्ता नविकरणका लागि श्रावण १ गते देखि राष्ट्रिय परिचय पत्र अनिवार्य गर्ने सरकारले नीति लिएको छ । सरकारले सुरुमा २८ जिल्लामा यो नीति लागू गर्दैछ । त्यसमा अहिले गुल्मी जिल्ला पर्दैन् । हतार–हतार गर्दै राष्ट्रिय परिचय पत्र बनाउन आत्तिनुपर्ने अवस्था छैन् ।’
प्रमुख जिल्ला अधिकारी शर्माले बृद्ध, जेष्ठ नागरिक, अपांग, अशक्तहरुका लागि जिल्लाका सबै पालिकाहरुको समन्वयमा पालिकामै गएर राष्ट्रिय परिचय पत्र वितरण र विवरण संकलनको कार्य गरिने बताउनुभयो । उहाँले हतार गरेर राष्ट्रिय परिचयपत्र बनाउन आत्तिन पर्ने अवस्था नरहेको स्पष्ट पार्नुभएको छ ।