काठमाण्डौ। पछिल्लो समयमा नेपाली सांगीतिक क्षेत्रमा सुगम संगीतका गीतहरू कम मात्रामा सार्वजनिक भइरहेका छन्। दोहोरी गीतहरू दैनिक रूपमा सार्वजनिक भइरहेका भए पनि आधुनिक गीतहरूको संख्या अत्यन्तै कम देखिन्छ।
यसैबीच, आशालाग्दो नयाँ गीत ‘एउटा गल्ती’ भर्खरै मात्र सार्वजनिक भएको छ। यस गीतमा प्रताप दासले आवाज दिएका छन् भने बाबु विनोदले उत्कृष्ट शब्द सिर्जना गरेका छन्। गीतको संगीत संयोजन तथा संगीत सिर्जना कृष्ण बाजुरालीले गरेका छन्।
गीतको म्युजिक भिडियो पनि निकै उत्कृष्ट बनाइएको छ। भिडियोमा मुकुन्द भट्ट र सारिका केसीको अभिनय देख्न सकिन्छ भने निर्देशन प्रविण थापाले गरेका छन्।
बाबु विनोदको यस दर्विलो सिर्जना र प्रताप दासको मिठो आवाजले नेपाली सांगीतिक क्षेत्रमा एक नयाँ उत्साह थपेको छ। ‘एउटा गल्ती’ गीतले सुगम संगीतप्रेमी दर्शकहरूलाई प्रभावित गर्ने विश्वास गरिएको छ।
