काठमाडौं। नेपाली हिन्दूहरूको महान पर्व तीज नजिकिँदै गर्दा कलाकारहरूले तीजका गीतहरू सार्वजनिक गर्ने क्रम बढ्दो छ। यसैबीच, गायिका शान्ता जिसीले आफ्नो नयाँ तीज गीत “फेरी आयो तीज” सार्वजनिक गरेकी छिन्।
यो गीत शान्ता जिसी र प्रेम सापकोटा ‘सोनु’को आवाजमा रहेको छ। यस वर्षको चर्चित तीज गीत “काली पसम की” का सर्जक प्रेम सापकोटाले नै यो गीत लेखेका हुन्। “फेरी आयो तीज” गीतले विशेषगरी विदेशमा रहेका नेपाली चेलिहरूलाई चाडपर्वको बेला हुने पीडालाई भावुक रूपमा प्रस्तुत गरेको छ।
दुर्गा पौडेलको निर्देशनमा तयार भएको म्युजिक भिडियोमा शिशिर पौडेल र अञ्जु निरौलाले अभिनय गरेका छन्। भिडियो निर्माण टोलीले गीतको भावनालाई जिवन्त बनाउन निकै मेहनत गरेको छ। गीतको संगीत संयोजन विश्वास नेपालले गरेका छन्। “फेरी आयो तीज” गीत शान्ता जिसीको यूट्युब च्यानलमार्फत सार्वजनिक गरिएको छ।
