असौज ६
नेकपा एमाले छत्रकोट गाउँपालिका कमिटि गुल्मीको दोस्रो अधिवेशनले नयाँ कार्यसमिति निर्वाचित गरेको छ ।
हिजो शनिबार छत्रकोट गाउँपालिकाको बुढाचौर खेल मैदानमा सम्पन्न अधिवेशनले पिताम्बर अर्याल अध्यक्ष सहित ६४ सदस्य नयाँ कार्यसमिति निर्वाचित गरेको हो ।
जसको उपाध्यक्षमा यमलाल भण्डारी, सचिबमा यज्ञ बहादुर पाण्डेय, सह सचिबमा साबित्रा ज्ञवाली र गणेश ज्ञवाली सहित ६४ सदस्य निर्वाचित भएका छन । ७५ सदस्य रहने कमिटिमा बौकी ११ सदस्य मनोनित गरिने सचिब पाण्डेयले बताउनु भयो ।
नयाँ कार्यसमितिमा सह सचिब ज्ञवाली सहित केहि सदस्य नयाँ निर्वाचित भएका छन भने, अध्यक्ष अर्याल सहितका पदाधिकारी यस अधिको कार्यकालमा पनि सोही पदमा कार्यरत हुनु हुन्थ्यो ।
दोस्रो अधिवेशनको खुल्ला सत्रको समारोहमा कार्यक्रमका प्रमुख अतिथी नेकपा एमालेका केन्द्रिय सदस्य, गुल्मीका इन्चार्ज एवं लुम्बिनी प्रदेशका कृषि मन्त्री दिनेश पन्थीले राजमो परित्याग गरि एमाले प्रबेश गर्नु भएका वडा नं. ४ का हुमनाथ पन्थलाई पार्टीमा स्वागत गर्नु भएको थियो ।
कार्यक्रममा नेकपा एमाले गुल्मीका अध्यक्ष बालसिंह काउछा, जिल्ला, प्रदेश र केद्रिय स्तरका नेताहरु जंग नेपाली, फर्सुराम पाण्डेय, नर्ममदा भण्डारी लगायतको उल्यख्य सहभागिता रहेको थियो ।
नेकपा एमालेको केन्द्रीय निर्देशन अनुसार यहि असोज मसान्त भित्र गाउँपालिका कमिटिका र कार्तिक मसान्त भित्र वडाको अधिवेशन हुदै छन । करिब ३ बर्षको कार्यकाल पछि पालिका स्तरिय कमिटिको अधिवेशन भएको हो ।
