असोज ८
रुरुक्षेत्र गाउँपालिकाले बिभिन्न परिक्षामा उत्कृष्ट हुने बिध्यार्थी, बिषयगत रुपमा धेरै बिध्यार्थी उत्तिर्ण गराउने शिक्षक र उत्कृष्ठ बिद्यालयलाई सम्मान गरेको छ ।
एस ई ईको ग्रेड बृद्धी परिक्षाको नतिजा सार्वजननिक भए लगत्तै आज गाउँपालिकाको सभाहलमा एक समारोहको आयोजना गरि बिभिन्न बिद्यालयका प्रतिनिधी तथा सरोकारवालाका बिच उत्कृष्ट हुने बिध्यार्थी, शिक्षक र बिद्यालयलाई सम्मान गरिएको हो ।
सम्मानित हुनेमा बिद्यालय तर्फ कक्षा ५ र ८ मा जनसहयोग आधारभुत बिद्यालय रिमुवा, कक्षा १० एस ई ईमा रेन्बो इङ्गलिस सेकेन्डरी बोर्डिङ्ग स्कूल बलेटक्सार र कक्षा १२ मा जनबोध माध्यमिक बिद्यालय रानिबास गुल्मी परिक्षामा सर्बोउत्कृष्ठ सहित १२ वटा बिद्यालय, बिध्यार्थी तर्फ कक्षा ५ मा रेन्बो बोर्डिङ्गकी छात्रा साक्षी अधिकारी कक्षा ८ मा रिडी माबिकी छात्रा आबृत्ती अधिकारी, एसईईमा रेन्बो बोर्डिङ्गका छात्र पवन बिक र कक्षा १२ मा जनबोध माबिकी बिपना थापा परिक्षामा सर्बोउत्कृष्ठ सहित २८ जना बिध्यार्थी सम्मानित भएका छन ।
यस्तै गाउँपालिकाले कक्षा १२ का शिक्षकलाई पहिलो पटक सम्मानमा सामेल गर्दै औषतमा उत्कृष्ठ नतिजा दिने ५४ जना शिक्षक लाई सम्मान गरेको छ ।
कार्यक्रमका प्रमुख अतिथी पूर्व मुख्य सचिब लिलामणी पौड्यालले बिद्यालय स्तरको सिकाई उपलब्धी बढाउनु आजको मुख्य आवस्यकता रहेको बताउनु भयो । उहाले सम्मान संगै राम्रो नतिजा नल्याउने बिद्यालय र शिक्षकलाई दण्ड पनि सार्वननिक रुपमा गर्नु पर्ने बताउनु भयो । उहाले सिकाई जिवनोपयोगी हुनु पर्ने बताउनु भयो ।
गाउँपालिका अध्यक्ष यदु ज्ञवालीले लगानी अनुसार सिकाई उपलब्धी नबढेकोमा दु:ख ब्यक्त गर्दै, डिजिटल सिकाई पूर्णरुपमा शिक्षकले प्रयोग नगरेको बताउनु भयो । उहाले अव बिषय बिज्ञ सहित बिद्यालयको अनुगमन गर्ने बताउनु भयो । उहाले बिशेष गरि शिक्षक समय अनुसार अपडेट हुनु पर्ने बताउनु भयो ।
कार्यक्रममा स्वागत गर्दै सामानिक बिकास समितिका संयोजक एवं गाउँ शिक्षा सकितिका सदस्य शेषनारायण पौड्यालले गाउँपालिकाको सिकाई उपलब्धी नौ प्रतिशतले बृद्धी भएको बताउनु भयो ।
कार्यक्रममा जनबोध माबिका प्रअ बामदेब ज्ञवाली, गाउँ शिक्षा सकितिका सदस्य तोयनारायण ज्ञवाली, वडा नं. ५ का अध्यक्ष हरिप्रसाद ज्ञवाली र गाउँपालिका उपाध्यक्ष मिनादेबी गौतमले सुभकामना ब्यक्त गर्नु भएको थियो । कार्यक्रमको सहजिकरण शिक्षा शाखा प्रमुख तेज बहादुर कुमालले गर्नु भएको थियो ।
