मंसिर ४
गुल्मीको छत्रकोट गाउँपालिका वडा नम्बर ३ हर्दिनेटामा वडा कार्यालयको सेवा केन्द्र स्थापना गरिएको छ ।
हालको वडा कार्यालय हर्दिनेटाबाट वडाका सबै नागरिकलाई सेवा लिन कठिनाई परेकोले नयाँ ठाउँ लुम्छामा सेवा केन्द्रको स्थापना गरिएको हो ।
नयाँ सेवा केन्द्रमा पञ्जिकरणका काम अर्थात वडा सचिवले दिने सेवाहरु हप्ताको दुई दिन, सोमबार र बिहीबार प्रदान गरिने प्रमुख प्रशासकीय अधिकृत विर बहादुर पुनले जानकारी दिनुभयो। वडाध्यक्षले दिने सेवा भने छ दिनसम्म नै उपलब्ध हुनेछ ।
हालको सेवा केन्द्रबाट साविकको हर्दिनेटा गाविसका वडा नम्बर ६, ७, ८ र ९ एवं वडा नम्बर पाँचको केही भागका नागरिक लाभाम्बित हुने गाउँपालिकाले जनाएको छ ।
गाउँपालिकाको संस्थापक जनप्रतिनिधीहरुले अघिल्लो कार्यकालमा यस बिषयमा छलफल चलाए पनि यस कार्यले पूर्णता पाएको थिएन ।
