अनिल खत्री
१३ माघ, गुल्मी – गुल्मीमा स्मार्ट फोनको टावरमा आगोलागी भएको छ ।
धुर्कोट गाउँपालिका ६ धुर्कोट रजस्थलमा रहेको टावरमा अज्ञात पक्षद्धारा आगोलागी भएको हो । गएराती ताम्राकारका अनुसार राती करिव ११ बजे आगोलागी भएको जिल्ला प्रहरी कार्यालय गुल्मीले जनाएको छ । टावरको ओडि बक्स पूर्ण रुपमा जलेकाले स्मार्ट फोनको नेटवर्क अवरुद्ध भएको जिल्ला प्रहरी कार्यालय गुल्मीका प्रहरी उपरिक्षक राजेन्द्रसिंह खड्काले बताउनु भयो । घटना स्थलमा बस्तु प्रहरीचौकीबाट प्रहरी पुगेको छ । करिव पाँच बर्षदेखि धुर्कोट कोट नजिकै स्थानीय कमल थापाको बारीमा स्मार्ट फोनको टावर राखिएको थियो । घटनाका बिषयमा थप अनुसन्धान भइरहेको प्रहरीले जनाएको छ । कोटमा अन्य संचार माध्यमका टावर तथा संचार उपकरण भएपनि कुनै क्षति भएको छैन् ।
