नेपाल टेलिभिजनबाट प्रशारण भइरहेको चर्चित तथा लोकप्रिय हास्य टेलिश्रृंखला ‘मेरी बास्सै’ बाट प्रमुख कलाकार मरिचमान श्रेष्ठ ९बल्छी धु्र्वे० र राजु पौडेल (राजु मास्टर) अलग भएका छन् । उनीहरुले कार्यक्रममा अभिनय र निर्देशन गर्दै आएका थिए । उनीहरुले कार्यक्रम छोडेको घोषणा आफ्नो फेसबुकमार्फत गरेका हुन् । कार्यक्रम उत्पादक मिडिया हबसँग विविध विषयमा सहमति नभएपछि अलग भएको उनीहरुको भनाई छ । मेरी बास्सैलाई एक दशक अगाडिबाट सीताराम कट्टेल ९धुर्मुस९ र केदार घिमिरे ९माग्नेबुढा० ले सुरु गरेका थिए । सुरुमा निकै लोकप्रिय बनेको उक्त श्रृंखलाबाट पछि केदार अलग भए । यसैगरी सामाजिक गतिविधिमा सक्रिय भएपछि धुर्मुसले पनि यसबाट हात झिके । माग्नेबुढा र धुर्मुस दुवैले छोडेपछि राजु मास्टर र बल्छी धु्र्वेले जिम्मेवारी पाएका थिए । मिडिया हबका प्रमुख सोम धितालले सहमतिमै उनीहरु अलग भएको प्रतिक्रिया दिएका छन् । साथै मंगलबार प्रशारण हुँदै आइरहेको कार्यक्रम नरोकिने पनि उनले बताए । कुनै कलाकारले छोड्दैमा कार्यक्रम बन्द हुँदैन । हामी अरु कसैलाई जिम्मेवारी दिएर पनि यसलाई निरन्तरता दिनेछौं । यदि कोही नपाएमा मिडिया हबको टिम पनि यत्तिको कार्यक्रम निर्देशन गर्न सक्षम छ,’ धितालले दावी गरे । राजु मास्टर र बल्छी धुर्वेले मेरी बास्सैलाई राम्रो बनाउनुको साटो आफ्नो यूट्युव कार्यक्रम निर्माणमा समय खर्चिन थालेको उनको आरोप छ । धितालले भने, उहाँहरुलाई मैले कि मेरी बास्सैमा मात्रै केन्द्रित हुनुस्, कि छोड्नुस भनेर अप्सन दिएको थिएँ । उहाँहरुले छोड्ने निर्णय लिनुभयो । यसअघि मिडिया हबले समयमा पैसा नदिँदा बारम्बार हास्य टेलिश्रृंखलाहरु अवरुद्ध हुने र कलाकारहरुले छोड्ने गरेका छन् । अहिले भने पैसाको इस्यू नभएको धिताल बताउँछन् ।
‘