छत्रकोट गाउँपालिका गुल्मीमा मोटर साइकल मर्मत तालिम सुरु भएको छ । घरेलु तथा साना उद्योग बिकास समिती र छत्रकोट गाउँपालिका गुल्मीको आयोजनामा मोटरसाइकल मर्मत तालिम सुरु भएको हो । ६ वटा वडाका १२ जना युवाहरुलाइ, ४५ दिन मोटरसाइकल मर्मत तालिम दिइने छ । तालिम उद्घाटन गर्दै गाउँपालिका अध्यक्ष मधुकष्ण पन्थले, सिपलाई आय आर्जनमा लगाउन प्रेरित गर्नु भएको थियो । सहभागीहरु दत्त चित्त भइ सफतापुर्वक तालिम लिइ स्वरोजगार हुनु पर्ने बताउनु भयो । गाउँपालिका उपाअध्यक्ष नरमदा भण्डारीले तालिम बिचमै नछोड्न आग्रह गर्दै, तालिम बाट अपेक्षा अनुसारको लाभ लिनु पर्ने बताउनु भयो । कार्यक्रमको सहजिकरण घरेलु कार्यलयका प्रमुख लक्ष्मी प्रसाद दाहलले गर्नु भएको थियो । उदघाटन समारोहको अध्यक्षता वडा न. ३ का वडा सदस्य बाबुराम अर्यालले गर्नु भएको थियो । कार्यक्रममा वडा न. ४ का वडा अध्यक्ष डिलाराम न्यौपाने, शिक्षा शाखा प्रमुख बिष्णु प्रसाद ज्ञवाली लगायतको सहभागीता रहेको थियो । तालिम स्थानिय मोटर साइकल मेकानिक राजेश कुवरले प्रदान गर्नु हुने छ ।
