तिलोत्तमा ।
नेपाल सरकार कृषि तथा पशुपन्छी बिकास मन्त्रालय खाद्य प्रबिधि तथा गुण नियन्त्रण बिभागले जेठ महिनालाई तेश्रो खाद्य स्वच्छता दिवश मनाईरहेको छ ।
बिभागले मातहतका ४३ वटा कार्यालय मार्फत बिभिन्न स्थानमा सचेतना र खाद्य सुरक्षाका कार्यक्रमहरु गरीरहेको छ ।
यसै सन्दर्भमा प्रबिधि गुण तथा नियन्त्रण कार्यालय भैरहवाल हिजोदेखि रुपन्देहीमा अभियानात्मक कार्यक्रम सुरु गरेको छ ।
हिजो पहिलो दिन सरसफाई तथा सचेतना कार्यक्रम गरेको कार्यालयले आज तिलोत्तमाको एक होटलमा पत्रकारहरुसंग अन्तरक्रिया गरेको छ ।
त्यसअवसरमा कार्यालयका प्रमुख हस्त बहादुर राईले कार्यालयले खाद्य तथा गुास्तरका सम्वन्धमा गरेको बजार अनुगमन लगायतका कार्यक्रम र स्वच्छता विशका सम्वन्धमा जानकारी दिनुभयो ।उहाले जेठ १९ गते रुपन्देहीमा खाद्य पदार्थमा स्वच्छता हामी सबैको प्रतिबद्धता बिषयमा अन्तरमाध्यमिक बिद्यालय जिल्लास्तरीय बक्तृत्वकला प्रतियोगिता गरीने बताउनु भयो ।
नेपाल पत्रकार महासंघ रुपन्देहीका अध्यक्ष यानेन्द्र जिसी अखाद्य बस्तुहरु बजारमा धेरै आएका अवस्थामा तिनीहरुको अनुगमन र निगरानी कार्यालयले बढाउनु पर्ने बताउनु भयो ।
खाद्य निरीक्षक श्रवण कुमार ढुगांनाले बजार अनुगमन निरीक्षण र जनतालाई सचेत बनाउने सम्वन्धमा पत्रकारको भुमिका महत्वपूर्ण रहेको बताउनु भयो ।