कालीदास आत्रेय,
असार ६, गुल्मी
शिक्षा बिकास योजना गुल्मीले शैक्षिक अन्तरक्रिया कार्यक्रम छत्रकोट गाउपालीकाको जन जागृती माध्यमिक बिद्यालय हुगामा सम्पन्न गरेको छ ।
अन्तरक्रिया कार्यक्रममा गाउपालीका भित्रका सम्पुर्ण बिद्यालयका प्रधानाध्यापकहरु र माध्यमिक तहका अगे्रजि, गणित र बिज्ञान बिषय मध्ये कुनै एक बिषय अध्यापन गर्ने शिक्षकहरुको सहभागिता रहेको थियो ।
कार्यक्रममा युनिभर्सिटि अफ सेन्ट्रल मिसोरी यु एस ए का प्राध्यापक डा अनिल गिरिले सहजिकरण गर्नुभएको थियो ।
कार्यक्रममा शिक्षण सिकाई क्रियापलापको बारेमा छलफल गरिएको थियो ।
छत्रकोट गाउपालीका अध्यक्ष तथा शिक्षा बिकास गुल्मीका अध्यक्ष मधुकृष्ण पन्तको अध्यक्षतामा सम्पन्न उद्धघाटन समारोहको प्रमुख अतिथि प्राध्यापक डा अनिल गिरि रहनुभएको थियो ।
त्यस्तै बिशिष्ट अतिथिमा छत्रकोट गाउपालीका उपाध्यक्ष नर्मदा भण्डारी रहनुभएको थियो ।
कार्यक्रममा शिक्षा युवा तथा खेलकुद शाखा छत्रकोटका शाखा प्रमुख बिष्णु प्रसाद ज्ञवालीले स्वागत मन्तब्य राख्नुभएको थियो ।
छत्रकोट १ हुगाका वडा अध्यक्ष धातानन्द भण्डारीकोे अध्यक्षतामा सम्पन्न समापन समारोहमा रामहरि पाण्डे , अमृता थापा, बिष्णु प्रसाद ज्ञवाली लगायतले मन्तब्य राख्नुभएको थियो । कार्यक्रम जन जागृती माध्यमिक बिद्यालय हुगाका प्रधानाध्यापक कमला भण्डारीको सन्चालनमन सम्पन्न भएको थियो ।
यसअघि शिक्षा बिकास योजना गुल्मीले शैक्षिक अन्तरक्रिया कार्यक्रम असार ५ गते रिडि माध्यामिक बिद्यालय रिडि गुल्मीमा सम्पन्न गरेको थियो ।
