अनिल खत्री
१० साउन, गुल्मी –
गुल्मीको एक मन्दिरको प्रहरी अधिकृतले महत्वलाई बाहिर ल्याउने काम गरेका छन् ।
जिल्लाको रेसुङ्गा नगरपालिका वडा नम्बर ३ को भाडागाँउ शिवालय मन्दिरको महत्वलाई जिल्ला प्रहरी कार्यालय गुल्मीका प्रहरी उपरिक्षक दिपककुमार बस्नेतले बाहिर ल्याउने काम गरेका हुन् । सदरमुकाम नजिकै रहेपनि मन्दिरको अबस्था बारे कमैलाई जानकारी थियो । तर प्रहरी अधिकृत बस्नेतले मन्दिरको महत्वलाई बाहिर ल्याउन सामुहिक पूजाँ र मर्मतमा महत्वपूर्ण भूमिका निर्वाह गरेका छन् ।
बिहानको समयमा मर्निङ वाक जानेक्रममा मन्दिरको अबस्था जिर्ण देखेपछि मर्मत र त्यसको खास महत्वलाई जनमानसमा ल्याउन सामुहिक पूजाँको आयोजना गरेका हुन् । उनले मन्दिरको अबस्था स्थायिनसँग बुझेपछि त्यस मन्दिरको मर्मत र पूजाँ आयोजना गरेको प्रहरी उपरिक्षक बस्नेतले बताए ।मन्दिर व्यवस्थापन समितिको आग्रह अनुरुप मन्दिरको मर्मत र पूजाँ आयोजना गरिएको बस्नेतले भनाई छ ।
साउन महिनाको सोमबार पारेर सामुहिक पूजाँको आयोजना गरेर यसको खास महत्वलाई अगाडी ल्याउने काम गरेको प्रहरी उपरिक्षक बस्नेतको बताए । पूजाँ आयोजना कार्यक्रममा स्थानियले सामुहिक पूजामा सरिक भएका थिए । सदरमुकाम तम्घासबाट नजिकै रहेको रेसुङ्गा क्षेत्रको काखमा रहेको शविालय मन्दिरको धेरै महत्व र महिमा रहेको मन्दिर व्यवस्थापन समिति अध्यक्ष शेरजंग बस्नेतले बताए ।
मन्दिरलाई स्थानिय केहि व्यक्तिहरुले अक्षयकोष स्थापना गरेरै दैनिक पूजाँ आयोजना गर्दै आएको अध्यक्ष बस्नेतले बताए । मन्दिरमा बिभिन्न स्थानबाट सन्तान नभएकाहरु सन्तानको माग गर्दै पूजाँ गर्न आउने गरेको उनको भनाई छ । सिमित श्रोत साधनबाट मन्दिर सञ्चालन गर्दै आएको र यसलाई सरकारी तबरबाट सहयोग अपेक्षा गरेको मन्दिर व्यवस्थापन समिति अध्यक्ष बस्नेतले बताए । प्रयाप्त श्रोत साधनको अभावमा यसको महत्वको बाहिर ल्याउन नसकिएको उनको भनाई छ ।
मन्दिरमा स्वच्छ हृदयले मागेका मनोकांक्षहरु पुरा हुने जन बिश्वास पनि रहि आएकाले बिभिन्न ठाउँबाट मन्दिरमा पूजाँ गर्न आउने गरेको अध्यक्ष बस्नेतको भनाई छ । सामुहिक पूजाँ आयोजना कार्यक्रममा जिल्लाका प्रमुख जिल्ला अधिकारी सहितको टोली पूगेका थिए ।पूजाँ आयोजना पछि मन्दिर व्यवस्थापन समितिले एक कार्यक्रमको आयोजना गरेको थियो । कार्यक्रममा जिल्लाका प्रमुख जिल्ला अधिकारी यदुनाथ पौडेलले सुरक्षा कर्मीले पनि समाजसँग नजिक छौं भन्ने सन्देश यसले दिएको बताए ।
उनले सबै नेपालीहरु, बसाई, कार्य जिम्मेवारीले टाढा भएपनि भावानात्वमा एकता रहेकाले बताए । मन्दिरले राखेको कार्यक्रममा मन्दिरको महत्वलाई बाहिर ल्याउन सामुहिक पूजाँ आयोजना गरेको धन्यवाद दिएका थिए । मन्दिर व्यवस्थापन समिति अध्यक्ष बस्नेतले मन्दिरको बारे जानकारी गराउदै धार्मिक पुन्य लाभ लिन अबलोकन र दर्शन गर्न आग्रह गरे ।
