साउन १८
नेपाल राष्ट्र बैकका बैकका गर्भनर डा. चिरञ्जिबी नेपालले बिदेशमा गएर कमाएको कमाईले अल्पकालीन लाभ देखिएपनि
स्वदेशको कमाई दीगो र देशलाई सम्बृद्ध बनाउन महत्वपूर्ण हुने बताउनु भएको छ।
शाइन रेसुङ्गा डेभलपमेण्ट बैंक लिमिटेडले हिजो पाल्पाको तिनाँउ गाउपालिका र तानसेन नगरपालिकाको सीमा क्षेत्र डुम्रेमा
आयोजना गरेको वित्तीयय साक्षरता कार्यक्रममा बोल्दै उहाँले यस्तो बताउनु भएको हो ।
गर्भनर डा.नेपालले युवाहरुलाई नेपाल सरकारले दिएको अनुदान र बैंक तथा वित्तीय संस्थाबाट प्रवाह हुने कर्जा
उत्पादनशील क्षेत्रमा लगानी गरी स्वदेशमा नै उद्यमी भई लाभ लिन आग्रह गर्नु भएको छ ।
उहाँले राष्ट्र बैकले लिएको वित्तीय साक्षरता अभियानको नीतिलाई बैंकले कार्यान्वयनमा भूमिका निर्वाह गरेकोमा
प्रशंसा गर्दै समावेशी अर्थतन्त्र निर्माणमा यस अभियानले महत्वपूर्ण भूमिका निर्वाह गर्ने बताउनु भयो ।
उहाँले नेपालमा उत्पादन गर्न सकिने कृषि तथा कृषीजन्य बस्तु समेत ठूलो मात्रामा आयात भईरहेको बताउँदै युवाहरुले
स्वदेशमा नै अवसरको सदुपयोग गरी देशलाई आत्मनिर्भर बनाउनु पर्नेमा जोड दिनु भयो ।
पाल्पा गृह जिल्ला भएका गर्भनर नेपालले पाल्पामा व्यवसायीक तरकारी खेती र पशुपालनको राम्रो सम्भावना भएको उल्लेख गर्दै
कार्यक्रममा सहभागी महिलाहरुलाई आफ्ना छोरा र श्रीमान्लाई बिदेशमा होइन स्वदेशमा नै काम गरौ भनि उत्प्रेरित गर्न आग्रह गर्नुभयो ।
उहाले अहिलेका धनिहरु सबै जन्मदा गरीव नै भएको बताउदै जसले पैसा चिन्छ त्यसको महत्व बुझछ हिसाव गरेर खर्च गर्छ
त्यो नै धनि हुन्छ भन्नु भयो ।
सोही कार्यक्रममा बोल्दै नेपाल राष्ट्र बैक, सिद्धार्थनगरका निर्देशक राजेन्द्र भट्टराईले नेपाल सरकारले उपलब्ध गराउने सहुलियतपूर्ण कर्जा र
ब्याज अनुदान शाइन रेसुङ्गा डेभलपमेण्ट बैंक लगायतका सबै बैक तथा वित्तीय संस्थाबाट प्रवाह हुने भएकाले त्यस्तो अनुदानलाई
उपयोग गर्न स्थानीय कृषक तथा लक्षित बर्गलाई अनुरोध गर्नुभयो ।
उहांले मर्जर एक्विजिशनको माध्यमवाट सवल र सुदृढ बैक तथा वित्तीय संस्था हुँदा ठुलो लगानी गर्न सक्ने क्षमता हुने हुँदा
वित्तीय संस्थाको क्षमता र स्तरबृद्धिका लागि मर्जरको नीति ल्याएको बताउनु भयो ।
तिनाउ गाउँपालिकाका अध्यक्ष ओमबहादुर घर्ति मगरले तिनाउँ गाउपालिकामा एउटा मात्रै बैंक भएको अवस्थामा शाइन रेसुङ्गा डेभलपमेण्ट बैंकले
शाखा कार्यालय स्थापना गरी सचेतना कार्यक्रम गरेकोमा गाउँमा बैक र लगानी प्रति सर्बसाधारणको अत्यन्त सकारात्मक भावना बढेको बताउनु भयो ।
उहाँले तानसेनदेखि बुटवलको बीच क्षेत्रका सर्बसाधारणका लागि निक्षेप संकलन र कर्जा प्रवाहमा यो बैक सहयोगी हुने बताउँदै
सेवा प्रवाहमा चुस्त राख्न सुझाव दिनुभयो ।
मस्याम एकीकृत क्याम्पसका प्राचार्य घनबहादुर कार्कीले बैंकहरु नाफा केन्द्रीत मात्र हुन्छन भन्ने ग्रामिण क्षेत्रका जनताको सोंचलाई
यो बैंकले परिवर्तन गरेको बताउँदै सरकारले दिने अनुदान र ब्याज अनुदानका कार्यक्रमबाट कर्जा प्रवाह गरी युवा पलायन रोक्न र
स्थानीय आय बढाउन बैंक सफल रहोस भन्ने कमना गर्नुभयो ।
सोही अवसरमा स्थानीय महिला उद्यमीहरु गोमा भण्डारी, सिता कुमारी अस्लामी, दुर्गा बिष्ट र साबित्रा जिसीलाई दोसल्ला र प्रसंशा पत्रबाट
सम्मान गरिएको थियो भने स्थानीय मस्याम एकीकृत क्याम्पसमा जेहेन्दार बिद्यार्थी छात्रबृत्ति बितरणका लागि रु ५० हजार रुपैया दिने घोषणा गरिएको थियो ।
बैकका अध्यक्ष राजेन्द्रप्रसाद श्रेष्ठले शाइन रेसुङ्गा डेभलपमेण्ट बैक यस क्षेत्रका जनताको प्रतिनिधीमूलक बित्तीय संस्था भएकाले
यसले मुनाफालाई मात्र नभई यस क्षेत्रको आर्थिक र उद्यमशिलता बिकासका लागि प्राथमिकतामा राखि सेवा प्रवाह गरी रहेकाले नै
सबैको मन जित्न सकेको बताउदै अव छिट्टै राष्ट्रियस्तरको डेभलपमेण्टका रुपमा स्तरोन्नती हुने जानकारी दिनुभयो ।
बैंकका प्रमुख कार्यकारी अधिकृत प्रकाश पौडेलले स्थानीय पूँजी, स्थानीय श्रम, स्थानीय विकास, स्थानीय सम्बृद्धि भन्ने मूल नाराका साथ
सञ्चालित बैंकले स्थानीय जनताको आवश्यकताका आधारमा गुणस्तरीय र सर्बसुलभ बैकिङ्ग सेवा प्रवाह गर्दै आइरहेको जानकारी गराउँदै
स्थानीय नगरपालिका तथा
गाउपालिकाहरुसंगको सहकार्य र समन्वयमा सहुलियत पुर्ण कर्जा प्रवाह गर्ने र प्रत्येक नेपालीको बैंक खाता अभियान अनुरुप ग्रामिण क्षेत्रमा
बैंकिङ्ग पहुँच पु¥याउने अभियानमा रहेको बताउनु भयो ।
बैकका अध्यक्ष राजेन्द्रप्रसाद श्रेष्ठको सभापतित्व र प्रमुख जोखिम अधिकृत सिए यशोधन पाण्डेको सञ्चालनमा कार्यक्रम सम्पन्न भएको थियो ।
